ممكن صداقه بين ولد وبنت

كتير ما بنقول البنت دى صديقتى، مين الولد ده ترد وده من اعز أصدقائى..

عايزين ببساطه نفهم يعنى أساساَ كلمة صداقة، ويا ترى تنفع تكون بين الولد والبنت ولا لأ ..

عايزين نكون عمليين، بلاش ندافع أو نهاجم لإننا عندنا فكرة قديمة او اقتناع معين فى اى ناحية من الناحيتين لكن عمرى ما قعدت مع نفسى وفكرت فى صحة الى أنا بعيشة أو الى أنا بقولة، لكن خلونا نناقش بحيادية وموضوعية وبطريقة عملية

شغل مخك معايا.......

وأعتقد ناس كتير جربت الصداقة دى بين ولد وولد وبنت وبنت وبين ولد وبنت
يا ريت تشاركونا خبرتكم الحلوة............... والمرة

في ناس بتقول حرام وناس تقول لا مش حرام وهما مش عارفين ان ممكن يكون حرام وممكن يكون مش حرام
ودة بيكون حسب النية
ربنا بيحاسب عباده بالنية اذا كانت خالصة لله أو لا
كتير من العلماء في الدين بيقولوا
ان البنت بتفسد البنت والولد بيفسد الولد
لذلك الصداقة بين البيت والولد غير محرمة لو نيتهم صافية
والصداقة بين الولد والبنت أفضل من الصداقة بين البنت والبنت والولد والولد
والأمهات والأباء ليهم دور كبير في انهم
يعلموا أولادهم ان دة طبيعي لان لو قالولهم متكلميش ولد وكدة هيبقي في سلبيات كتيرة أوى منها
اتجاه أولادهم للغلط وبكدة ممكن يصادقوا أشخاص حرام صداقتهم واللي هما نيتهم وحشة.
ولازم الام والاب يعرفوا ان اولادهم لازم يعملوا كل حاجة قدامهم لأن لو عملوها قدامهم هيقدروا يوجهوهم صح
ولازم يعرفوا ان لو مكنش قدامهم هيكون من وراهم ودة الغلط نفسه لأن مش هيبقي في توجيه.
وأحب ان كل واحد يقرا اللي أنا كتباه دة يفهمه صح.
وشكرا....

مرسى مووضع مهم وجنانا تسلمى

والله عندك حق يامى فى كل كلمة قلتيها

شكرآ ليكى مى
كلام جميل جدآ ومن ابرز ما فيه
اظهار أهمية دور الأم والأب فى غرس الواذع الأخلاقى و الدينى داخل الأبناء من الجنسين
وبكده نقدر نضمن علاقات عامه خاليه من الشوائب الا اخلاقيه

شكرا ليكم لتأييد رأيي

أنا غيرت رأيي

مفيش حاجة اسمها الصداقة بين ولد وبنت

لان في كلمة ولد هو اللي قايلهالي

الولد مش بيصاحب البنت غير لما يكون عايز مصلحة

أو تتوسطله في حاجة وهكذا وفي الآخر

الولد بعد ما يتمم مصلحته

بيعملها مشاكل الدنيا كلها

و مش بيفتكرلها أى جميل

أو أى خاطر

لا معلش احب اعارضك مش كل الولاد كدة
اى نعم الاغلبية كدة لكن فى ناس عارفة حدودها كويس وعارفة ازاى تتعامل مع اى شخص اياكان تعامل ايجابى طبعا
ولو على حكاية المصلحة عايزة قوليلى ان مفيش اصحاب سواء ولاد مع بعضهم او بنات مع بعضهم بيحتاجو بعض لا طبعا عمر ما نسميها مصلحة لان لو اتسمت مصلحة يبقى على كدة مفيش اصحاب بجد سواء بنات بس او صبيان بس وده بينطبق برده مع الولد او البنت
وطبعا عارفين ان فى ناس كتير نوعيتهم زى ما بتقولى بس ده مش معناه اننا نركز على الجانب ده اى الجانب السلبى ونترك اى ايجابيات تانية وطبعا التركيز على الجانب السلبى فقط ليه اضراره الكتيرة .
المهم/ الخلاصة احب اقول انها ممكن بس بين الناس العاقلة من وجهة نظرى يعنى اللى عارفين هما مين وحدودهم ايه ونيتهم ايه ولازم نركز على كلمة العاقلين .
وشكرا

أولا أنا قصدى المصلحة بمعنى

ان ياخد اللي عايزه منك ويرميك

هى دى المصلحة

يعنى مش هيخاف علي صديقته

وبعدين لو أنا كويسة أضمن منين ان اللي قدامى كويس

والناس كلها لابسة أقنعة وراها أوجه تانية

يبقى اكيد قصدك الحب بقى مش الصداقة العادية وطبعا انا من رأيى انه كله تسلية او زى ما بتقولى خصوصا فى السن ده
اما حتة تضمنى الناس منين عن طريق شخصيتك
يعنى مثلا المفروض الواحد يكون عارف حدوده لما الى ادامه يتعداها لازم يترد عليله رد يليق بيه او بالمعنى الاصح بتبان فى المواقف يعنى طاللما الواحد محترم وكويس يقدر يخلى اللى قدامه يحترمه غصب عنه ويلزم الادب معاه
وانا احب اقول ان النوعية اللى قصدك عليها بتبان بسرعة اوى ومعروفة دايما.

أولا أنا مش قصدى علي الحب

أنا قصدى علي الصداقة

وبعدين مش كل الناس كدة

وعلي فكرة في ناس بتبقي كويسة وبعدين بتتغير مع الأيام

بس بردو الانسان اللى يقدر يتحكم فى اللى قدامه عن طريق شخصيته وطبعا الانواع الوحشة بتبان من المواقف الصعبة واكيد بتتلاحظ ايا كانت الفترة الزمنية بس بتتلاحظ وانا مجربها وطبعا اى صداقة لازم تكون مينية على اساس واضح وراسخ بكدة هتكون سليمة 100%

بصراحة موضوع جامد موت
تسلم ايدك

» ممكن كود الساعة
» انا جديده ممكن ترحيب
» ايه اللى ممكن يحصل لو ارسال التليفزيون دخل فى بعضه؟؟؟؟؟؟؟؟؟
» مسابقه > ممكن تبقى ( مدير - مراقب - مشرف - مميز )